[An tigsik (inaapód man na kansíng) saróng suánoy na porma nin halìpót na rawitdawit na minapahilíng kan natural na talento kan mga Bikolano sa pagberso. Kompwesto iní nin apát na taytáy na igwáng walóng silaba. Lambáng sarô kainí igwáng eskimang saróng sarambit o mono-rhyme.]Nagkaigwa kaming mga estudyante nin sarong seminar worksyap ukol sa TIGSIK na pinamayuhan kan PIKSEL na grupo sa samong eskwelahan para sa saindang websayt. Naimbitahan ninda si
Mrs. Aida B. Cirujales na siyang tig-aapod na
'Tigsik Queen' kan Bicol. Siya an nagsusurat nin mga tigsik sa Bicol Mail asin may mga libro man siya ukol sa tigsik. Siya an nagtukdo samuyang mga Naguenian kun ano ang tigsik, an importansya kani sa kultura kan Bikol lalo na sa literatura, asin siyang nagpadangog kan saiyang ngirit na dai matatapatan kan iba.
Ini dikit lang sa mga tigsik ni Mrs. Cirujales:
Tigsik ko an mga pasaway na eskuela, Na pastidyong marhay sa mga maestra. Daing nanonodan sa mga leksyon ninda, Ta sige sanang sirot mga madaldalon baga. Tigsik ko an ibang maestra, Sa konsumisyon sa pasaway na eskuela. Dai man makalatob, pero sige an muda, Haros mapatudan ugat, sa kasasaway sana. Tigsik ko man ining sarong prinsipal daa Na ganid man na marhay sa kuwarta. Ta pati sa ID kan sa Kinder na eskuela, Gusto pang makiheras sa delihensiya.
Ini man an ginibong video kan sakong mga amiga sa saindang pagduman sa Iriga para kaulayon si Mr. Francisco Peñones, saro mang eksperto pag-abot sa tirigsikan.
